mercoledì 18 ottobre 2017     •  Login
 
   
 
   
   
   
 
 
 

_Italy.gif

 

L'Asociasion Trevisani inte'l mondo

L'Asociasion xe apartitica e de ispirasion cristiana. A persegue fini de promosion umana integrae dea

persona, e no a gà scopo de eucro. Pol aderir tuti quei che i se identifica inte 'i vaeori che 'a ispira e inte 'a asion che a svolge. Ea 'a dura a tempo indeterminà.

L'Asociasion a xe direta da un Conséjo Diretivo, eèto dai rapresentanti dei imigrai de tuto el mondo e vien rinovà ogni tre ani. Al so interno a xe costituia da na giunta esecutiva che a se riunise, propone e gestise e varie inisiative deiberae dal Conséjo. L'asemblea generae dei soci se tien ogni ano par l'aprovasion del biancio consuntivo e preventivo, par dar i indirisi generai dee atività e par aprovar o manco eventuai modifiche del Statuto.

 Finaità de l'asociasion

L'asociasion a se propone de operar a favor dei Trevisani de tuta a Provincia residenti a l'estero o in altre Region de Italia; de quei che intende emigràr o repatriàr; e a favor dei imigrati.

 Per cui a se propone in particoeàr:

1) el coegamento tra Trevisani e 'e so fameje: a tal scopo se favorirà i pi asidui e costanti contati mediante visite, viaji e incontri, stampa de periodici e altre publicasion; registrasion de cortometraji; trasmision radioteèvisive, e ogni altra atività ritegnua idonea;

2) l'anaisi dei problemi dee migrasion specie par quanto che atien a difesa e a tutèa dei diriti e dei interesi dea persona e dea fameja de l'emigrà, de chi che repatria e de l'imigrà;

3) e atività che investe el campo formativo, culturae e informativo de quei che intende espatriar, dei residenti a l'estero o in altre Region de Italia, dei imigrai dei repatriai, dei i so famijari dove ghe sia necesità, esigense e particoeari situasion che lo richieda;

4) el censimento dei Trevsani sparsi inte 'l Mondo, dei repatriai e dei imigrai;

5) de catar su a documentasion de eavoro, dee atività e de eventuai organi de stampa dei Trevisani a l'estero;

6) a costitusion in provincia, e inte 'l teritorio e a l'estero de asociasion locai denominae “Sezioni”, nonché a costitusion, inte 'l ambito de l'asociasion, in provincia, de un comitato Xovani. Favorise a costitusion in Provincia de asociasion de imigrai che aderise aea A.T.M.. 'E “Sezioni” e gavarà un so Regoeamento o Statuto autonomo, inte 'l rispeto dei principi informativi del presente statuto.

 Sto Regoeamento o Statuto gavarà da esar sotoposto e aprovà dal Diretivo Centrae;

7) l'asociasion se propone de avaerse de strumenti adeguai ai fini economici che a se prefige de ragiungiar. Podarà promuovar e coordinar i interventi soidaristicide persone, de altri organismi e coeaborar coi Uffici e Istituti comunque interesai al fenomeno migratorio;

8) de promuovar atività e inisiative de agiornamento e formasion del persoae dee scuoe de ogni ordine e grado, docenti, non docenti e aeuni sia par na meio conoscensa dee problematiche dei flusi migratori inte 'l so svolgiarse e inte 'a realtà atuae,  sia par favorir un coreto inserimento ed integrasion dei fioi dei ex emigrai e dei imigrai.

Stampa  

Associazione Trevisani Nel Mondo Via Garbizza, 9 - 31100 Treviso
Tel. +39 0422579428 - fax. +39 0422547874
email - info@trevisaninelmondo.it